يعني إيه كوكا زيرو

وبعد فترة انقطاع __يطل علينا عمر طاهر مرة أخرى بمقاله ساخره وأعتقد ان هذه المقاله سيكون لها حلقات اخرى

كوكاكولا زيرو 2؛3؛4

اسم المقال ::يعنى ايه كوكا زيرو

 يعني تترشح في الانتخابات عن فئة (العمال) وتنجح فتعيش عيشة (الملوك).

.. يعني تبقي جماعة محظورة بس ليها 80 نائبًا في البرلمان.

.. يعني أبوك ياخدلك كشك في مصر القديمة ويحصل هبوط في الأرض يبلعك إنت والكشك، فتنزل تلاقي كنز تحت الأرض.

.. يعني تعيش عيشة طب وتطلع تاجر.

.. يعني الفرق بين الزمالك والأهلي يوصل لـ 7 نقط وتسخن المنافسة بينهما.. والإسماعيلي يفوز بالدوري.

.. إنك تمنع التدخين جوه القطر علشان تحافظ علي أرواح الناس ويروح القطر بكل اللي فيه مخيش في قطر تاني.

..إنك تجيب جون في نفسك والحكم يحسبه أوفسايد.

.. يعني يبقي عندك شركة روتانا وتشتري مطربين مصريين وتجمدهم، ولما الحكومة تسألك عن الأرض اللي اشتريتها في توشكي وجمدتها، تقول لهم هازرعها... أومال أنا كنت باشتري المطربين ليه؟

.. يعني شيخ الأزهر يموت وأول واحد ينعيه البابا شنودة.

.. يعني تقعد ليلة الامتحان في أي كافيه تلعب بلاي ستيشن والامتحان يتلغي علشان الأسئلة اتسربت.

.. يعني الريس يسافر برة علشان يعمل عملية في المرارة والسولار يختفي من البلد في نفس اللحظة علشان ماحدش يستغل الفرصة ويولع فيها.

* * * * * * * * * 

وكوكا زيرو برده تعنى..

ان فريق كوره يقعد يتغلب خمس سنين من طوب الارض ..وتكتشف ان شعبيته لسه بتزيد؟؟(معروف مين طبعا)؟

يعنى "إنبى" يجيب 3 أهداف صحيحة.. والحكم يحسب واحد بس..

   

 يعنى الحارس يصد ضربة جزاء.. والحكم يعيدها

..يعني انبي ليه ضربة جزاء .. والحكم يتغاضي عنها ..ومن قبلها كان لسه حاسب واحده زيها للأهلى

..يعنى "إنبى" يستحق الفوز.. و"الأهلى" يكسب 2-1 !! 

اقرأايضـــــــا

مصر للمصريين بس الدوري للزمالك

ماذا يقول عنك المحيطون بك؟

المصرى اللى على حق___ يقول للغلط أوكى